ބޮޑު އީދު ފާހަގަކުރުމުގެ ގޮތުން އުރީދޫ މޯލްޑިވްސްއިން ރާއްޖޭގެ އެކި ރަށްރަށާ ގުޅިގެން ގިނަ ހަރަކާތްތަކެއް ކުރިއަށް ގެންގޮސްފިއެވެ.

އުރީދޫން ބުނީ، އީދުގެ އުފަލުގައި ގިނަ ބަޔަކަށް ބައިވެރިވެވޭނެ ގޮތުގައި ހަރަކާތްތައް ރޭވުމުގެ އަމާޒުގައި ކުރެވުނު ކަންކަން ކަަމަށެވެ.

Ad
rt

އުރީދޫން މި އީދުގައި ހިންގި ހަރަކާތްތައް:

އުރީދޫ އީދު ހަދިޔާ

އުރީދޫ ޓީމުން ވަނީ އީދު ދުވަހު ރާއްޖޭގެ އެކި ހިސާބުތަކުގައި ކުޑަކުދިންނަށް ހަދިޔާ ބަހައިފައެވެ.

އެންސީއޭ ބޮޑު އީދު 1445

އުރީދޫ އާއި ނޭޝަނަލް ސެންޓާ ފޯ ދި އާޓްސް ގުޅިގެން މާލޭގެ އެކި ކަންކޮޅުތަކުގައި ތަފާތު ހަރަކާތްތައް ކުރިއަށް ގެންގޮސްފައިވެއެވެ. އޭގެ ތެރޭގައި މާލި، ލަންގިރި، ބޮޑުބެރު،ސްޓޭޖް ޝޯ، ބޮޑުމަސް އަދި އާޓިސްޓުންގެ ޝޯކޭސް ޕެއިންޓިން ޝޯކޭސް ހިމެނެއެވެ.

ނ. ލަންދޫގައި އީދު ފާހަގަކުރުން

ނ. ލަންދޫގައި އީދު ފާހަގަކުރުމުގެ ގޮތުން ވަނީ އެ ރަށުގައި ކުލަގަދަ ހަރަކާތްތަކެއް ކުރިއަށް ގެންގޮސްފައެވެ. މި ހަރަކާތް ފެށުމުގެ ރަސްމިއްޔާތުން ފެށިގެން ލަންގިރި އާއި މާލި ފަދަތަފާތު ސަގާފީ ހަރަކާތްތަކަކީ ރަށުގެ ރައްޔިތުންނާއި ޒިޔާރަތްކުރާ ފަރާތްތަކަށް އީދުގެ އުފަލުގައި ތައްޔާރުކޮށްފައިވާ ކަންކަމެވެ.

އެންމެން އެކުގައި ކެންދޫ އީދު އުފާ

ކުޑަކުދިންގެ އިވެންޓަށް ހާއްސަ ބަބްލް ޝޯއަކާއި ފަން ގޭމްތަކެއް ތައްޔާރުކޮށްފައިވާ އިރު، ސަގާފީ ނެށުންތަކާއި އީދުގެ އާދަޔާ ހިލާފު ހަރަކާތްތައް ވެސް ވަނީ ކުރިއަށް ގެންގޮސްފައެވެ.

ޢީދު ކުޅިސާމާ 1445، ޅ. ނައިފަރު

ނައިފަރުގައި އީދަށް ގިނަ ހަރަކާތްތަކެއް ފެނިގެން ދިޔަ އިރު، މާލި ޕެރޭޑުން ފެށިގެން ބޮޑުބެރާ އެކު، ސްޓޭޖް ޝޯއާ ހަމައަށް ކޮންމެ މީހަކަށް ވެސް އުފާވެރިކަން ލިބުނެވެ. އަދި ރިލޭ ރޭހާއި ބަށި ފަދަ ހަރަކާތްތައް ވެސް ކުރިއަށް ގެންދިޔައެވެ.