ފްރާންސުން ޔޫކްރެއިންއަށް ހުރިހާ ގޮތަކުން ވެސް އެއްބާރުލުން ދެއްވާނެކަމަށް ފްރާންސްގެ ރައީސް އިމަނުއެލް މެކްރޮން ވިދާޅުވެއްޖެއެވެ.

ފްރާންސްގެ ރައީސް މެކްރޮން ވިދާޅުވީ ރަޝިޔާއާ އެކު ހިނގަމުންދާ ހަމަނުޖެހުންތައް ދެމިއޮތުމުން ފްރާންސުން ހުރިހާ ޕްލެޓްފޯމެއްގައި ވެސް ޔޫކްރެއިންއަށް ފުރިހަމަ އެއްބާރުލުން ދޭނެ ކަމަށެވެ. އޭނާ މިހެން ވިދާޅުވީ ޔޫކްރެއިންގެ ރައީސް ވޮލޮޑިމީރް ޒެލެންސްކީއާ އެކު ޕެރިހުގައި ބޭއްވި ޖޮއިންޓް ޕްރެސް ކޮންފަރެންސްގަ އެވެ.

Ad
rt

މެކްރޮން ވިދާޅުވީ ޖޫން މަހުގެ ނިޔަލަށް ޔޫރަޕިއަން ޔޫނިއަން (އީޔޫ)ގެ މެމްބަރުކަން ޔޫކްރެއިން އަށް ހޯދުމަށް މަޝްވަރާތައް ފެށުމަށް ވަކާލާތު ކުރުމަށް ފަރަންސޭސިވިލާތުގެ ވިސްނުން އެބަހުރި ކަމަށެވެ. އޭނާ ވިދާޅުވީ ފްރާންސުން ރަޝިޔާއާ ދެކޮޅަށް ހަނގުރާމައެއް ނުކުރާ އިރު، އަދި ހަމަނުޖެހުން އުފައްދަން މަސައްކަތް ނުކުރާ އިރު، ފްރާންކޯ-ޔޫކްރެއިންގެ އަސްކަރީ އެއްބާރުލުމާއި ޔޫކްރެއިންގެ އަމިއްލަ ދިފާއުގައި ޔޫކްރެއިންގެ ހައްގަށް ހުރަސް އެޅުމުގެ ފުރުސަތު މޮސްކޯއަށް ނުދޭނެ ކަމަށެވެ.

ޔޫކްރެއިންގެ މުހިންމު އިންފްރާސްޓްރަކްޗާ ހަރުދަނާ ކުރުމުގެ ގޮތުން ފްރާންސްގެ ރައީސް ވަނީ 200 މިލިއަން ޔޫރޯ (216 މިލިއަން ޑޮލަރު) ގެ ސަޕޯޓް ފަންޑެއް އުފައްދަން ނިންމަވާފަ އެވެ. އޭނާ ސިފަކުރެއްވި ގޮތުގައި ޔޫކްރެއިންގެ ސިފައިން އަމިއްލަ ސަރަހައްދުގައި ތަމްރީނު ކުރުމަކީ ސައްހަ އަދި ޔޫކްރެއިންގެ އެއްބައިވަންތަކަން އިތުރުވެފައިވާތީ، ހަރުދަނާ ހައްލެއް ކަމަށެވެ.

ޔޫކްރެއިންއަށް އަސްކަރީ އިންސްޓްރަކްޓަރުން ފޮނުވުމަށް ފްރާންސުން އެހެން ގައުމުތަކާ އެކު "ކޯލިޝަނެއް" ހެދުމުގެ މަސައްކަތް ކުރަމުން އަންނަ ކަމަށް މެކްރޮން ވިދާޅުވި ނަމަވެސް، އެއްބަސްވެފައި ވަނީ ކޮން ގައުމުތަކަކުން ކަމެއް ހާމަކުރަން ދެކޮޅު ހައްދަވަ އެވެ.

ސްވިޒަލޭންޑްސަމިޓުގައި ބައިވެރިވެ، ޔޫކްރެއިންއަށް ޒިޔާރަތްކުރެއްވުމަށް ނިންމަވާފައިވާކަން މެކްރޮން ކަށަވަރުކޮށްދެއްވަމުން ވިދާޅުވީ، މި އެއްވުމަކީ އެޤައުމުގައި ދެމެހެއްޓެނިވި ޞުލްޙަ ޤާއިމުކުރުމަށް އެޅުނު މުހިންމު ފިޔަވަޅެއް ކަމަށް އުންމީދުކުރައްވާ ކަމަށެވެ.