ޕީޕީއެމް/ޕީއެންސީގެ ވެރިކަމެއްގައި އެމްޑީޕީއަކީ ޒިންމާދާރުކަމާ އެކީގައި ސަރުކާރު ޖަވާބުދާރީ ކުރުވާނެ ޕާޓީއަކަށް ވާނެ ކަމަށާއި އެކަަމަކު، ހުދުމުހުތާރު ކަން ތަހަންމަލް ނުކުރާނެ ކަމަށް އިކޮނޮމިކް މިނިސްޓަރު އަދި އެމްޑީޕީގެ ޗެއާޕާސަން ފައްޔާޒް އިސްމާއިލް ރޭ ވިދާޅުވެއްޖެއެވެ.
Pres Elect @MMuizzu as you requested you can be rest assured we will be responsible in holding the gov accountable. I pray and hope that your promises for upholding democracy and transparency is upheld. We will not tolerate sliding back to autocracy and injustice as seen in 2013.
Ad
— Fayyaz Ismail (@faya_i) October 2, 2023
ފައްޔާޒް އެގޮތަށް ވިދާޅުވެފައި ވަނީ އަންނަ މަހުގެ 17 ގައި ވެރިކަމުގެ ހުވާކުރެއްވުމާ އެކު، އެމްޑީޕީ ވާނީ އިދިކޮޅު ޕާޓީ އަށް ކަމަށް ވާތީ އެއީ ޒިންމާދާރު އިދިކޮޅު ހަރަކާތަކަށް ހެދުމަށް އިންތިހާބީ ރައީސް ޑރ. މުހައްމަދު މުއިއްޒު ގޮވާލައްވާފައި ވަނިކޮށެވެ.
ފައްޔާޒު ކުރެއްވި ޓްވީޓެއްގައި ވިދާޅުވީ އެމްޑީޕީ ވެގެންދާނީ ޒިންމާދާރު ކަމާއެކު މަސައްކަތް ކުރާ ޕާޓީ އަކަށެވެ. އަދި ސަަރުކާރު ޖަވާބުދާރީ ކުރުވުމުގައި ދެމި އޮންނާނެ ކަަމަށް ވިދާޅުވިއެވެ. ޑިމޮކްރަސީއާ ހާމަކަން ބޮޑު ގޮތެއްގައި ކަންކަން ދެމެހެއްޓުމަށް މުއިއްޒު ވެވަޑަައިގެންނެވި ވައުދު ފުއްދަވާނެ ކަމަށް އުންމީދު ކުރައްވާ ކަމަށް ވެސް ފައްޔާޒް ވިދާޅުވިއެވެ.
މީގެއިތުރުން 2013 އިން 2018 އަށް ފެނުނު ފަދަ ހުދުމުހުތާރު އަނިޔާވެރި ވެރިކަމަށް އަނބުރާ ދާނަމަ އެކަން ތަހަންމަލު ނުކުރައްވާނެ ކަމަށް ވިދާޅުވިއެވެ.
މުއިއްޒު ވިދާޅުވީ، ޒިންމާދާރު އިދިކޮޅު ޕާޓީއެއް ސަރުކާރަށް މުހިންމު ވާނެ ކަމަށާއި އެފަދަ ޕާޓީއަކުން ސަރުކާރަށް ފާޑުކިޔާނެ ކަމަށެވެ. ސަރުކާރުން ގެންގުޅޭ ސިޔާސަތުތަކަށް ވުރެ ރަނގަޅު ސިޔާސަތުތައް ވެސް ޒިންމާދާރު އިދިކޮޅު ޕާޓީއަކުން ރައްޔިތުންނަށް ގެނެސްދޭނެ ކަަމަށް ވެސް އެމަނިކުފާނު ވިދާޅުވިއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!