އއ. ރަސްދޫގައި 100 ޓަނުގެ އާރުއޯ ޕްލާންޓެއް ބަހައްޓައިފިއެވެ.

މިއީ ސްޓެލްކޯއިން އެ ރަށުގައި ބެހެއްޓި އާރުއޯ ޕްލާންޓެކެވެ.

Ad
rt

އެ ކުންފުނިން މިއަދު ބުނީ، އެ އާރްއޯ ޕްލާންޓާއެކު ރަސްދޫގެ ފެން އުފެއްދުމުގެ ޖުމުލަ ކެޕޭސިޓީ 160 ޓަނަށް މިހާރު އިތުރުކުރެވިފައިވާ ކަމަށެވެ.

މީގެ އިތުރުން އެ އާރްއޯ ޕްލާންޓަކީ އެ ކުންފުނީގެ މުވައްޒަފުން ކޮމިޝަނިން ހުރިހާ މަސައްކަތެއްކޮށް، އޮޕަރޭޝަނަށް ގެނައި ފުރަތަމަ ޕްލާންޓު ކަމަށް ވެސް އެ ކުންފުނިން ބުންޏެެވެ.

ސްޓެލްކޯގެ މެނޭޖިން ޑިރެކްޓަރު އަހުމަދު ޝަރީފް ވަނީ އެ މަސައްކަތުގައި ހަރަކާތްތެރިވި، ކުންފުނީގެ ވޯޓާ ސުވަރޭޖް އެންޑް ވޭސްޓް މެނޭޖްމަންޓު ޑިޕާޓްމަންޓުގެ މުވައްޒަފުންނާ ބައްދަލުކުރައްވައި، އެ މުވައްޒަފުންގެ މަސައްކަތަށް ތަރުހީބުދެއްވައިފައެވެ.