މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ނ. ކެނދިކުޅުދޫއަށް ބަހެއް ހަދިޔާ ކޮށްފިއެވެ.
އެ ކުންފުނިން ބުނި ގޮތުގައި މިދިޔަ މަހުގެ 31ގައި ހަދިޔާ ކޮށްފައިވަނީ 46 ސީޓުގެ ބަހެކެވެ.
މި ބަހަކީ އެމްޓީސީސީން އެ ކުންފުނީގެ އިޖުތިމާއީ ޒިންމާގެ ދަށުން ހަދިޔާ ކުރި ބަހެކެވެ.
އެ ކުންފުނިން ބުނި ގޮތުގައި މި ބަހަކީ ކެނދިކުޅުދޫ ސްކޫލުގައި ކިޔަވާ ކުދިންނަށް ސްކޫލަށް ދިއުމުގައި ހުރި ދަތިތަކަށް ހައްލު ހޯދުމަށް ހަދިޔާ ކުރި ބަހެއް ކަމަށެވެ.
އެމްޓީސީސީން އަންނަނީ އެކި ރަށްތަކަށް ދިމާވެފައިވާ ދަތިތަކަށް ހައްލު ހޯދައިދިނުމަށް އިޖުތިމާއީ ޒިންމާގެ ދަށުން އެހީ ފޯރުކޮށްދެމުންނެވެ.
މިއީ މިނިސްޓްރީ އޮފް އެޑިއުކޭޝަނުން ކެނދިކުޅުދޫ ސްކޫލް ދަރިވަރުން ދަތުރު ކުރުމަށް ބަހެއް ހަމަޖައްސައި ދިނުމަށް އެދިވަޑައިގަތުމާއި އެކު ހަދިޔާ ކުރި ބަހެކެވެ.
As a #CSRInitiative we are delighted to have donated a 46 seat bus to N. Kendhikulhudhoo. We hope this initiative will contribute towards resolving the difficulties students are currently facing while commuting to and from N. Kendhikulhudhoo School. #RayyithungeKunfuni pic.twitter.com/nOY9y72Rbe
— MTCC Plc (@MTCCPlc) October 31, 2022
ރަށު ސްކޫލްގައި ގާތްގަނޑަކަށް 400 އެއްހާ ކުދިން ކިޔަވަމުން ދެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!