މިރޭވެސް ދިވެހިންގެ ބޭންކުގެ ހިދުމަތް މެދުކެނޑޭނެ

މިރޭވެސް ދިވެހިންގެ ބޭންކް، ބީއެމްއެލްގެ ހިދުމަތްތައް މެދުކެނޑޭނެ ކަމަށް އެ ބޭންކުން ބުނެފިއެވެ.

ބީއެމްއެލް އިން ބުނީ އެ ބޭންކުގެ އިންޓަނެޓް ބޭންކިން އާއި ޕީއޯއެސް އާއި އޭޓީއެމް އާއި ޕޭމަންޓް ގޭޓްވޭއިންވެސް ހިދުމަތް މެދުކެނޑޭނެ ކަމަށެވެ. މި ހިދުމަތްތައް 1 ގަޑިއިރަށް މެދުކެނޑޭނެ ކަމަށްވެސް އެ ބޭންކުން ބުންޏެވެ.

މިފަހަރުގެ ބަހަނާއެއްގެ ގޮތުގައި ވެސް ބީއެމްއެލް އިން ބުނީ އެއީ މިރޭ ކުރިއަށްދާ ކުރިން ޕްލޭން ކޮށްފައިވާ މެއިންޓަނެންސް މަސައްކަތެއް ކުރުމަށް ހިދުމަތް މެދުކަނޑާލަނީ ކަމަށެވެ. މި މަސައްކަތް ކުރިއަށްދަނީ މިރޭ ދަންވަރު 1:00 އާއި 3:00 އާ ދެމެދުގައެވެ.

ދަންވަރު ވަގުތު ނަމަވެސް ވިޔަފާރި ކުރާ ފަރާތްތައް ތިބެއެވެ. އެހެންކަމުން އެ ފަރާތްތަކަށް 1 ގަޑިއިރު ހިދުމަތް ނުލިބުމުން ދަތިތަކާ ދިމާވާނެއެވެ.

Customers will experience service interruptions to Internet Banking, ATMs, POS machines and Payment Gateway for 60 minutes between 1 - 3 am tonight (24 June 2022) due to a planned maintenance. We apologise for any inconvenience caused.

— Bank of Maldives (@bankofmaldives) June 23, 2022

ބޭންކުގެ ހިދުމަތް ދޭތެރެދޭތެރެއިން އަންނަނީ މެދުކެނޑެމުންނެވެ. ސަބަބެއް ކަމަށް އަބަދުވެސް ބުނަނީ މެއިންޓެނެންސް ނުވަތަ ޓެކްނިކަލް މައްސަލައެކެވެ.