ގައުމީ އެއާލައިން، މޯލްޑިވިއަން އީދާ ދިމާކޮށް މެލޭޝިއާއަށް ދަތުރުތަކެއް ތާވަލު ކޮށްފިއެވެ.

އެ އެއާލައިނުން ބުނި ގޮތުގައި މެލޭޝިއާއަށް ދެ ދުވަހު ދަތުރު ކުރާނެއެވެ. އެއީ މި މަހުގެ 28 އަދި އަންނަ މަހުގެ ހަތް ވަނަ ދުވަހުގައެވެ.

Ad
rt

އެ ދަތުރުތަކަށް ބުކިން މާދަމާއިން ފެށިގެން ހުޅުވާލާނެއެވެ. ފެއާ ފެށޭ އަގަކީ 399 ޑޮލަރެވެ.

އެ އެއާލައިނުން މެލޭޝިއާއަށް ދާން ބެގެޖް އެލަވެންސްގެ ގޮތުގައި މީހަކަށް 30 ކިލޯ ލިބޭނެއެވެ.

މޯލްޑިވިއަން އިން ކޮންމެ އަހަރަކުވެސް އީދާ ދިމާކޮށް ތަފާތު މަންޒިލްތަކަށް ހާއްސަ ދަތުރުތަކެއް ބާއްވައެެވެ. މިއީ އީދު ފާހަގަ ކުރަން އެކި ގައުމުތަކަށް ދާން ބޭނުންވާ މީހުންނަށް ހުޅުވާލާ ފުރުސަތެކެވެ.