ވީއައިއޭގެ ހުޅަނގު އޭޕްރަން ހުޅުވައިފި

ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ ހުޅަނގު އޭޕްރަން ހުޅުވައިފިއެވެ.

މިއަދު އޭޕްރަން ހުޅުވުމުގެ ގޮތުން އެމްއޭސީއެލުން ވަނީ އިންޑިއާއިން ރާއްޖެ އައި މޯލްޑިވިއަންގެ ފްލައިޓަކަށް ފެނުގެ ސެލިއުޓާއެކު މަރުހަބާ ކިޔާފައެވެ.

މި ރަސްމިއްޔާތުގައި އެމްއޭސީއެލްގެ ސީއީއޯ އަދި މެނޭޖިން ޑިރެކްޓަރު ގޯޑަން އެންޑްރޫ އާއި އައިލެންޑް އޭވިއޭޝަންގެ މެނޭޖިން ޑިރެކްޓަރު މުހައްމަދު މިހާދާއި އެއާލައިން އޮޕަރޭޓަ ކޮމެޓީގެ ޗެއާމަން މަހުޖޫބު އަބްުދުﷲ ބައިވެރިވެވަޑައިގެންނެވިއެވެ.

މި އޭޕްރަންގައި އިންޓަނޭޝަނަލް އަދި ޑޮމެސްޓިކް ފްލައިޓުތައް ޕާކު ކުރުމަަށް ނުވަ ސްޓޭންޑު ވަނީ ގާއިމް ކޮށްފައެވެ.

Today, we officially opened the expanded west apron area @VelanaAirport for flight operations. The new apron area has nine aircraft stands which can accommodate both domestic and international flights. pic.twitter.com/ytXjtUKfIW

— Maldives Airports Company Ltd - MACL (@MACLmedia) November 4, 2021

އެމްއޭސީއެލްގެ ސީއީއޯ އަދި މެނޭޖިން ޑިރެކްޓަރު ގޯޑަން ސްޓުވާޓް ވިދާޅުވީ އާ އޭޕްރަނާއެކު އެމްއޭސީއެލްގެ ހިދުމަތްތައް ކުރިއަށްވުރެ އަވަސްވެފައި ފަސިންޖަރުންނަށް ދަތުރުފަތުރު ކުރުމުގައި ފަސޭހަވާނެ ކަމަށެވެ.

އަދި މި އޭޕްރަން ޑޮމެސްޓިކް އެއާޕޯޓު ކުރިމަތީގައި އޮތުމުން ޑޮމެސްޓިކް ދަތުރުތައް ކުރާ މީހުންގެ ވަގުތު ސަލާމަތްވާނެ ކަމަށް ވެސް އޭނާ ވިދާޅުވިއެވެ.