މާލޭ ސިޓީގެ މަގުތަކާއި އާންމުތަންތަން ދިއްލައި، އަލިކޮށް ބެހެއްޓުމަށް ޚާއްޞަ ސަމާލުކަމެއް ދޭންޖެހޭކަމަށް ކުރިއަށް އޮތް ލޯކަލް ކައުންސިލްތަކުގެ އިންތިޚާބުގައި މާލޭ ސިޓީގެ މޭޔަރު ކަމަށް ކުރިމަތިލާފައިވާ އިދިކޮޅު ޕީޕީއެމްގެ ކެންޑިޑޭޓް، ޑރ. މުހައްމަދު މުޢިއްޒު ވިދާޅުވެއްޖެ އެވެ.
ހައުސިން މިނިސްޓަރުކަމުގެ މަގާމުވެސް ފުރުއްވާފައިވާ ޑރ. މުޢިއްޒު މިހެން ވިދާޅުވީ، މާލޭ ސިޓީގެ އިއްޒުއްދީންމަގު، އަމީނީ މަގު ދެކުނަށް، މަގުބައްތިތައް ނުދިއްލޭތާ 3 ދުވަސްވެފައިވާކަން ފާހަގަކުރަށްވަމުން، އެކަމުގެ ކަންބޮޑުވުން ފާޅުކުރަށްވައި ކުރެއްވި ޓްވީޓެއްގަ އެވެ.
އެކަން ފާހަގަކުރަށްވައި ޑރ. މުޢިއްޒު ވިދާޅުވީ، މާލޭ ސިޓީ ކައުންސިލަކީ މާލޭގެ މަގުތަކާއި އާންމު ތަންތަން ދިއްލާ އަލިކޮށް ބެލެހެއްޓުމުގެ ޒިންމާ އަދާކުރަން އޮންނަ މުއައްސަސާ ކަމަށެވެ.
އެހެންކަމުން މާލޭގެ މަގުތަކާއި އާންމުތަންތަން އަލިކޮށް ބެހެއްޓުމަށް ޚާއްޞަ ސަމާލުކަމެއް ދޭންޖެހޭ ކަމަށް ޑރ. މުޢިއްޒު ވިދާޅުވިއެވެ.
Izzuddeen Magu, Ameenee Magun dhekunah: magu bahthi thah nudhilleythaa 3 vana dhuvas. @MaleCitymv akee Male ge maguthakaa aammu thanthan dhillaa alikoh belehettumuge zimmaa adhaakuran onna muassasaa. Male maguthakaa aammu thanthan alikoh behettumah khaassa samalukameh dheynjehey pic.twitter.com/tRgZQMz4d0
— Dr Mohamed Muizzu (@MMuizzu) March 30, 2021
ޑރ. މުޢިއްޒު ގެންދަވަނީ މާލޭގެ ރައްޔިތުންނަށް ފުރިހަމަ ތަސައްވުރަކާއެކު، މާލޭގެ މޭޔަރުކަމަށް ކެމްޕޭން ކުރަށްވަމުންނެވެ.
ޑރ. މުޢިއްޒުގެ ތަޢުލީމީ ޤާބިލްކަމާއި، ތަޖުރިބާގެ އަލީގައި އެމަގާމަށް އެންމެ އެކަށޭނަ ކެންޑީޑޭޓަކީ އޭނާކަމަށް ފާހަގަކޮށް، އިދިކޮޅު އެމްޑީޕީގެ އިސް ސަފުގައި މަސައްކަތްކުރި ބައެއް ފަރާތްތަކުން ވެސް ޑރ. މުޢިއްޒަށް ތާއީދު ކުރާކަން ދަނީ ހާމަކުރަމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!