ބޭންކް އޮފް މޯލްޑިވްސް (ބީއެމްއެލް)ގެ އޭޓީއެމް ތަކުން ފައިސާ ނަގަން ކާޑު ބޭނުން ކުރާގޮތަށް ބޮޑު ބަދަލެއް ގެނެސްފިއެވެ.
ބީއެމްއެލް އިން ކުރި ޓުވީޓެއްގައި ބުނެފައިވަނީ އޭޓީއެމް އަށް ކާޑު ލެއްވުމަށްފަހު ފައިސާ ނަގައި، ކާޑު ނަގަން ކަސްޓަމަރުން ހަނދާން ނެތޭ ކަމަށެވެ. އެހެންވެ، ކާޑު ބޭނުންކުރާ ގޮތަށް ބަދަލު ގެންނަން ނިންމާފައިވާ ކަމަށް ބީއެމްއެލް އިން ބުންޏެވެ.
އެމޭޓީއެމްގެ ހިދުމަތަށް މި ބަދަލު ގެނެސްފައިވަނި ކަސްޓަމަރުންގެ ފީޑްބެކަށް ބަލާ، ކާޑު ގެއްލޭ ވަރު މަދު ކުރުމަށް އެޅި މި ފިޔަވަޅެއްގެ ގޮތުގައި ކަމަށް ބުނެފައި ވެއެވެ. މި ގެނައި ބަދަލާއި އެކު ދެން އޭޓީއެމް އިން ފައިސާ ނަގަން ޖެހޭނީ ކާޑު ލައްވާ، ޕިން ޖެހުމަށްފަހު ކާޑު މެޝިނުން ނަގާށެވެ.
We have made changes to how you use your card at our ATMs for Cash Withdrawals. Taking into consideration customer feedback regarding forgotten and misplaced cards, this change ensures that cash will be dispensed only after the card is removed. pic.twitter.com/gFzGkJFjzV
— Bank of Maldives (@bankofmaldives) June 25, 2020
ބީއެމްއެލް އިން މީގެކުރިން ވެސް ވަނީ އޭޓީއެމް އިން ފައިސާ ނެގަން އަމަލު ކުރަން ޖެހޭ އުސޫލަށް ބަދަލު ގެނެސްފައެވެ. ކުރިން ގެނައި ބަދަލާއި އެކު ވަރަށް ގިނަ ބަޔެއްގެ ކާޑު ވަނީ ހަނދާން ނެތިގެން އޭޓީއެމްއަށް ދޫވެފައެވެ.
ކޭސްކާޑަކީ ޕިން ނަންބަރު ނޭންގުނަސް ކާޑުގެ ނަންބަރާއި މުއްދަތު ހަމަވާ ތާރީޙް ފަދަ މައުލޫމާތު ބޭނުންކޮށްގެން އޮންލައިން ޓްރާންސެކްޝަންތައް ހެދުން ފަދަ ކަންކަން ކުރަން ފުރުސަތު އޮންނަ ގޮތެކެވެ. މިއާއި އެކު ހަނދާން ނެތިގެން އޭޓީއެމްއަށް ދޫވެފައިވާ ކާޑެއް އަލުން ފެނުނު ކަމުގައި ވިޔަސް ރައްކާތެރިކަމަށްޓަކައި ޖެހެނީ ކާޑު އަލުން އާކުރާށެވެ. މިކަން ރަނގަޅު ކުރުމަށް ބީއެމްއެލްއިން އައީ ވަރަށް ގިނަ ހޭލުންތެރިކުރުމުގެ ކެންޕެއިންތަކެއްވެސް ހިންގަމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!