އެންމެ ފަހުން ދެއްވީ ފަތިސް ބަންގި: ހަރަމްފުޅުގެ މުއައްޒިން ޝައިޚް އިބްރާހީމް އަވަހާރަވެއްޖެ

މައްކާގެ މަސްޖިދުލް ހަރާމް (ހަރަމްފުޅު) ގެ މުއައްޒިން ޝައިޚް އިބްރާހީމް އަލް މަދަނީ، މިއަދުގެ ފަތިހުގެ ވަގުތެއްގައި އަވަހާރަވެއްޖެއެވެ.

"އިންސައިޑް ދަ ހަރަމައިން" އިން ކަށަވަރުކޮށްދީފައިވާ ގޮތުގައި، ޝައިޚް އިބްރާހީމް އަވަހާރަވީ މިއަދުގެ ހެނދުނުގެ ވަގުތެއްގައެވެ.

ޝައިޚް އިބްރާހީމް ދެއްވި އެންމެ ފަހު ބަންގިއަކީ މިއަދުގެ ފަތިސް ނަމާދުގެ ފުރަތަމަ ބަންގިއެވެ. ސާޢޫދީ މީޑިއާތަކާ ހަވާލާދީ، އެ މަރްހޫމާ ގާތް ފަރާތްތަކުން ބުނެފައިވާ ގޮތުގައި، ޝައިޚް އިބްރާހީމްގެ ކަށުނަމާދު އޮންނާނީ މިއަދުގެ އަސުރު ނަމާދަށްފަހު މައްކާގެ ހަރަމްފުޅުގައެވެ.

މަދީނާއަށް 1976 ވަނަ އަހަރު އުފަންވެވަޑައިގެންނެވި ޝައިޚް އިބްރާހީމް ބޮޑުވެވަޑައިގެންނެވީ ދީނީ ވަރުގަދަ އާއިލާއެއްގެ ތެރޭގައެވެ. ކީރިތި ގުރުއާން ހިތުދަސްކުރައްވާފައިވާއިރު ގުރުއާނުގެ ދާއިރާއިން މަތީ ތައުލީމީ ސަނަދެއް ވެސް ހާސިލުކުރައްވާފައެވެ.

May Allah forgive Sheikh Ibrahim Al-Madani, shower him with His boundless mercy, illuminate his grave, and raise his ranks in Jannat al-Firdaws. May Allah accept his lifelong service to Masjid Al-Haram and make every Adhan he called a continuing source of reward for him. pic.twitter.com/mKtkiQTdcO

— Inside the Haramain (@insharifain) September 21, 2026

މުއައްޒިނެއްގެ ގޮތުގައި ޝައިޚް ދަތުރުފުޅު ފެއްޓެވީ އުމުރުފުޅުން އެންމެ 15 އަހަރުގައެވެ. އެއީ މަދީނާގެ އަވަށު މިސްކިތެއްގައި ބަންގި ދެއްވަން ފެއްޓެވި ހިސާބުންނެވެ. ކޮލެޖުން ނިމެންދެން އެ އަވަށުގެ ތިން އަވަށްޓެރިއަކާއެކު ދައުރުވާ އުސޫލުން ބަންގި ދެއްވުމުގައި ދެމިހުންނެވުމަށްފަހު، މަދީނާއިން ބޭރުގައި ކިޔަވައިދެއްވުމުގެ މަސައްކަތްޕުޅު ކުރައްވަން ޖެހިވަޑައިގަތުމުން އެ މަސައްކަތުން ކުޑަ ދުވަސްކޮޅަކަށް ދުރުވެވަޑައިގެންނެވިއެވެ.

Death of the Muadhin of Masjid Al Haram Sheikh Ibrahim bin Adel Hamza Al-Madani رحمه الله

Sheikh Ibrahim Al-Madani was born in Madinah in 1397 AH. He was raised in a religious household; his paternal grandfather was a memorizer of the Qur’an, and Sheikh Ibrahim was greatly…

— Inside the Haramain (@insharifain) September 21, 2026

މަދީނާއަށް ނިސްބަތްވެވަޑައިގަންނަވާ ބޭފުޅަކަށްވުމުން، ޝައިޚް އިބްރާހީމްގެ ބަންގި ދެއްވުމުގައި މަދީނާގެ ރާގާއި އުސޫލުތަކުގެ އަސަރު ވަރަށް ބޮޑަށް އެކުލެވިގެންވެއެވެ. ނަމަވެސް، ބައްޕާފުޅާއެކު މައްކާއަށް ކުރެއްވި ޒިޔާރަތްތަކުގައި، ހަރަމްފުޅުގެ ކުރީގެ މުއައްޒިނެއް ކަމަށްވާ އަދި ކާފާފުޅުގެ ރަހުމަތްތެރިއެއް ކަމަށްވާ ޝައިޚް އަބްދުއްލަތީފް މުއްލާއާ ބައްދަލުވެ، މައްކާގެ ހާއްސަ ރާގަށް ބަންގި ދެއްވުމުގެ އުސްލޫބަށް ވެސް ވަނީ އަހުލުވެރިވެވަޑައިގެންފައެވެ.