ހިތާއި ފުއްޕާމޭގެ ޓްރާސްޕްލާންޓްއެއް ހަދަން ޖެހި ފުރާނައާއި ހަނގުރާމަ ކުރަމުންދާ އަސްރާގެ ހާލު ދެރަވެ އޫކޭގެ ހޮސްޕިޓަލެއްގައި އެޑްމިޓްކޮށްފިއެވެ.
ޔޫކޭގެ ހާރފީލްޑް ހޮސްޕިޓަލުގައި އިއްޔެ ހެނދުނު އެޑްމިޓްކޮށްފައިވަނީ އަސްރާގެ ހާލު ސީރިއަސްވެ ޑރ އަށް ދައްކަން ދިއުމުންނެވެ. އަސްރާގެ ފިރިމީހާ ޔާސިރު އަޙްމަދު ޔޫކޭގައި ހުރެ ވާހަކަ ދައްކަމުންބުނީ މޫނު ދުޅަވެ، ނޭވާލާން އުންދަގޫވެ، ވަރުބަލިކަން އިހުސާސް ކުރެވި މެޔަށް ތަދެއް އަރާފައި ހުރުމުން ޑރ އަށް ދެއްކުމަށް ހޮސްޕިޓަލަށް ދިއުމުން ވަގުތުން އެމަޖެންސީގައި އެޑްމިޓްކުރަން ޑރ އެދިފައިވާކަމަށެވެ.
އަސްރާ އެޑްމިޓްކޮށް ފަރުވާ ދެމުންދަނީ ޑިޕެންޑެންސީ އުނިޓުގައެވެ. އަސްރާއާއި އެކު މިވަގުތު ޔޫކޭގައި ހުރީ އަސްރާގެ ފިރިމިހާ އެކަންޏެވެ.
ހިތާއި ފުއްޕާމޭގެ ޓްރާސްޕްލާންޓްއެއް ހެދުމަށްޓަކައި އިންޑިޔާގެ ބެންގަލޫރުގައި 1 އަހަރާއި 6 މަސް ހޭދަކުރުމަށްފަހު އިންޑިޔާއިން އެކަން ކުރެވޭނެ މަގު ފަހިވެފައި ނުވުމުން އަސްރާގެ އާއިލާއިން ދުނިޔޭގެ އެހެން ގައުމަކުން އެކަން ކުރެވޭނެ މަގެއް ހޯދުމަށް އަސްރާ ޔޫކޭއަށް ގޮސްފައިވަނީ މިމަހު އެވެ.
ރޯޔަލް ބްރޮމްޕްޓޮން ހޮސްޕިޓަލް އަށް ދެއްކުމުން ޑޮކްޓަރ ވިދާޅުވީ ޓްރާންސްޕްލާންޓް އެވަލުއޭޝަން ހެދުމަށްޓަކަ މިމަހު އެޑްމިޓް ވުމަށެވެ. ނަމަވެސް އެވަލުއޭޝަން އަށް 15،000 ޕޮއުންޑު ހަރަދުވާކަމަށް ޔާސިރު ބުނެފައި ވެއެވެ. އަދި ޑޮކްޓަރ ބުނެފައިވަނީ އެހޮސްޕިޓަލުން ލަފާ ކުރެވޭ ގޮތުގައި އެންމެ ގިނަ ވެގެން ވެސް 1 އަހަރު ތެރޭ ޓްރާންސްޕްލަންޓް ކުރެވޭނެ ކަމަށެވެ. އެވަލުއޭޝަންގެ އިތުރުން ކުއްލިއަކަށް އެމަޖެންސީގައި އެޑްމިޓް ކުރަން ޖެހުމުން އިތުރު ހަރަދުތަކެއް ކުރަން ޖެހިފައިވާކަމަށް ޔާސިރު ބުނެފައިވެއެވެ. މިހާރުވެސް އިތުރަށް 4000 ޕައުންޑް އަރާފައިވާކަމަށް ކަންބޮޑުވެ މާޔޫސް ވެފައި ހުރި ޔާސިރު ބުނެފައިވެއެވެ.
މިކަމުގަ ތިޔަ އެންމެހާ ބޭފުޅުން ގެ ދީލަތި އެހީ ތެރިކަމަށް އާއިލައިން ބޭނުންވާކަމަށް އެއާއިލާއިން ބުނެފައިވެ އެވެ.
ފުރާނައާއި ހަނގުރާމަ ކުރަމުންދާ އަސްރާ ރާއްޖެއާއި ދުރަށް ދަތުރުކޮށްފައިވާއިރު މުޅިޔަކުން އަދި ކަންކަން ހަމައަކަށް ނޭޅެއެވެ. އަސްރާއަކީ އާދައިގެ މީހަކަށް ހެދުމަށް ކެނޑިނޭޅި މަސައްކަތް ކުރަމުންދާ އަސްރާގެ ފިރިމީހާ ވަރަށް އަސަރާއިއެކު ވާހަކަ ދައްކަމުން ބުނީ
ދަތުރު ފެށީ ލާރި ހަމަ ނުވަނީސް، ސަބަބަކީ ބަންގަލޫރުގައި ލާރި ހަމަވަންދެން ތިބޭނަމަ އިތުރު ހަރަދު ހިގާނެ، މިހާރު އަޅުގަނޑުމެން މިތިބީ ޔޫކޭ ގައި، އުންމީދަކީ ވީ އެންމެ އަވަހަށް އޮޕްރޭޝަން ކުރެވި އަޝްރާއަކީ ވެސް ނޯމަލް މީހަކަށް ވުން، މިކަމުގާ ތިޔަ އެންމެހާ ބޭފުޅުން ވެދެއްވާ އެއްބާރުލުމަށް ނިހާޔަތަށް ޝުކުރު ދައްނަވަން.
އަސްރާއާއި ބެހޭ އިތުރު މަޢުލޫމާތު
އަސްރާއަށް އެހީތެރިކަން ފޯރުކޮށްދެއްވުމަށް ބޭނުންފުޅުވެލައްވާ ފަރާތްތަކުން ތިރީގައި މިވާ އެކަންޓު ނަމްބަރު ތަކަށް ފައިސާ ޖަމާކޮށްދެއްވުމަށް އެ އާއިލާއިން އެދެއެވެ.
އެކަންޓުން ނަން: އައިމިނަތު އަސްރާ
އެކައުންޓް ނަމްބަރ (ރުފިޔާ) : 7730000142133
އެކައުންޓް ނަމްބަރ (ޑޮލަރު) : 7730000256391
ގުޅޭނެ ނަމްބަރ: 7795796 ޔާސިރު އަޙުމަދު (އަސްރާގެ ފިރިމީހާ ވައިބަރ ވަޓްސްއެޕް ގުޅޭނެ)
އަޅުގަނޑުމެން ކޮންމެ މީހަކީ ވެސް އެކަކު އަނެކަކަށް އެހީތެރިވާ ބައެއް ކަމުގައި ލައްވާށިއެވެ. އާމީން
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!