މާލެއާއި ފަލަސްތީނާ އެއްގޮތްކޮށް ހެންވޭރު ދެކުނު ދާއިރާގެ މެންބަރު ހުސައިން ޝަހީމް (އަނދުން ހުސައިން) ދެއްކެވި ވާހަކަތަކަށް އަމާޒުވި ފާޑުކިޔުންތަކާ ގުޅިގެން އޭނާ މިއަދު ޓުވީޓެއް ކުރައްވާ މައާފަށް އެދިވަޑައިގެންފި އެވެ.
ޓީވީ ޕްރޮގްރާމެއްގައި މާލޭ މީހުންގެ ނިކަމެތި ހާލާއި މެދު ދެއްކެވި ވާހަކަފުޅަށް އަމާޒުވި ފާޑުކިޔުންތަކާ ގުޅިގެން އަނދުން މިއަދު ކުރެއްވި ޓްވީޓްތަކެއްގައި ވިދާޅުވީ، މާލޭގެ ރައްޔިތުން އުޅެމުން ދަނީ ރެފިއުޖީންނާ އެއް ގޮތަށް ކަމަށާއި މާލެ މިހާރު އޮތީ ފަލަސްތީނާ އެއް ހާލަތުގައި ކަމަށް އޭނާ ވިދާޅުވީ މާލޭގެ ރައްޔިތުން ދިރިއުޅެމުން ނިކަމެތި ހާލު ސިފަކޮށްދިނުމަށް ކަމަށެވެ.
Male'ge Rayyithun dhiri ulhemun dhaa dhathi haaluge vahaka dhakkamun e Rayyithun ulhemun dhanee Refugee in aa ehgothah kamashai adhi Male' miharu miothy Palastine aa eh haalathugai kamah Alhugandu dhennevy Male'ge Rayyithun ulhemun dhaa nikamethi haalu sifa kohdhinumasheve. 1/2
— Hussain Shaheem (@AndhunHussain) February 11, 2020
އަނދުން ވިދާޅުވީ އޭނާ އެ ވާހަކަތައް ދެއްކެވީ، އެއްވެސް ގޮތަކުން މާލޭގައި ދިރިއުޅޭ އެހެން ރަށްރަށުގެ ރައްޔިތުން ކުޑައިމީސް ކުރުމަކަށް ނޫން ކަމަށާއި ސީދާ ގޮތުން ވެސް އަދި ނުސީދާ ގޮތުން ވެސް އެ ރައްޔިތުންނަށް ކުޑައިމީސް ބަހެއް ނުބުނާނެ ކަމަށެވެ.
އެހެން ނަމަވެސް އަޅުގަނޑު ދެއްކެވި ވާހަކަ އޮޅިވަޑައިގެންފައިވާ ބޭފުޅުންގެ އަރިހުން މައާފަށް އެދެން،
އަނދުން ކުރެއްވި ޓްވީޓެއްގައި ވިދާޅުވެފައިވެ އެވެ.
މާލޭގައި ދިރިއުޅޭ އެހެން ރަށްރަށުގެ މީހުނަށް ކުޑައިމީސްކޮށް ވާހަކަ ނުދައްކަވާނެ ކަމަށް ވިދާޅުވެ މައާފަށް އެދިވަޑައިގެން އަނދުން ޓްވީޓެއް ކުރައްވާފައި މި ވަނީ، އެއް ރަށް އަނެއް ރަށާ އަޅާ ކިޔައި ރަށްރަށް ކުޑައިމީސްވާ ގޮތަށް މަޖިލީހުގެ އެއްވެސް މެންބަރަކު ވާހަކަ ނުދެއްވުމަށް މަޖިލީހުގެ ރައީސް މުހައްމަދު ނަޝީދު އެދިވަޑައިގެންފައިވަނިކޮށެވެ.
Evves gothakun Male'gai dhiriulhey ehen rahrashuge Rayyithun kudaimees kurumakah nooneve. Seedha gothunves adhi nuseedha gothunves e Rayyithunah kudaimees baheh bunefa eh nuvaane eve.Ehen namaves Alhugandu dhekki vahaka olhivadaigenfaiva beyfulhunge arihun Maaf ah edhemeve.2/2
— Hussain Shaheem (@AndhunHussain) February 11, 2020
ޓީވީ ޕްރޮގްރާމެއްގައި ވާހަކަ ދައްކަވަމުން އަނދުން ހުސައިން ވިދާޅުވީ މާލެ އެއްކޮށް ހިއްކައި ރާއްޖޭގެ އެހެން ތަންތަނުން މީހުން ގެނެސް ވަޒަންވެރި ކުރުވީ ކަމަށާއި މާލެއަކީ މާލެ މީހުންގެ ތަނެއް ކަމަށެވެ. އޭނާގެ ވާހަކައާ ގުޅިގެން އާންމުންގެ ގިނަ ބަޔެއްގެ ފާޑުކިޔުންތައް އަމާޒުވިއިރު، މަޖިލީހުގައި އަތޮޅުތެރޭގެ ބައެއް ދާއިރާތައް ތަމްސީލު ކުރައްވާ މެންބަރުން ވެސް އެއަށް ރައްދު ދެއްވި އެވެ. އޭގެ ތެރޭގައި އަނދުން ނިސްބަތްވާ އެމްޑީޕީގެ މެންބަރުން ވެސް ހިމެނިވަޑައިގަންނަވަ އެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!