އިޒްރޭލުގެ ނިރުބަވެރި ސިފައިން ޣައްޒާގައި ހިނގަމުންދާ ގަތުލުއާންމުގައި ޝަހީދުވި މީހުންގެ އަދަދު މިހާތަނަށް ރިޕޯޓުކުރެވިފައިވާ އަދަދަށްވުރެ 41 އިންސައްތަ އިތުރުވެދާނެކަމަށް ލޭންސެޓް މަޖައްލާގައި ޝާއިޢުކޮށްފައިވާ އައު ދިރާސާއަކުން ދައްކައިފިއެވެ.
މި ބޮޑު ތަފާތު ފާހަގަކުރެވުނީ "ޕެލެސްޓައިން ދިސް ވީކް" ޕްރޮގްރާމުގައި މި ދިރާސާގެ ނަތީޖާތައް ދިރާސާކުރަމުންދަނިކޮށެވެ.
މި ޕްރޮގްރާމުގައި ބަހުސްކުރެވުނު އެހެން މުހިންމު މައުޟޫތަކުގެ ތެރޭގައި އިޒްރޭލުން ޣައްޒާގެ ތަޢުލީމީ ނިޒާމު ފުނޑުފުނޑުކޮށްލުމާ ގުޅޭގޮތުން އެމެރިކަން ހިސްޓޮރިކަލް އެސޯސިއޭޝަނުން ކުށްވެރިކުރުމުގެ ވޯޓެއް ނެގުމާއި، ހަނގުރާމަ ހުއްޓުވުމަށް އަދި ހައްޔަރުކޮށްފައިވާ މީހުން ދޫކޮށްލުމަށް ކުރެވެމުންދާ މަސައްކަތްތައް ހިމެނެއެވެ.
މީގެ އިތުރުން، އިޒްރޭލުގެ ބޮޑުވަޒީރު ބެންޖަމިން ނަތަންޔާހޫއަށް އައި.ސީ.ސީގެ އަމުރުތަކުން އިމިއުނިޓީ ދިނުމަށް ޕޮލެންޑުން ނިންމި ނިންމުމާއި، އިޒްރޭލުން އިތުރު ސަރަޙައްދުތައް އަތުލުމަށް ކުރަމުންދާ މަސައްކަތްތަކާ ބެހޭގޮތުންވެސް މި ޕްރޮގްރާމުގައި މަޝްވަރާކުރެވުނެވެ. މީގެ ތެރޭގައި ހިމެނެނީ ހުޅަނގު އައްސޭރީގައި އާބާދީތައް އިތުރުކުރުމަށް ގޮވާލުމާއި، ޣައްޒާ ހިމެނޭ ބިންތަކާއި އަދި ސީރިއާގެ މައުންޓް ހަރމޮން އަތުލުމާ ބެހޭގޮތުން ދެކެވޭ ވާހަކަތަކެވެ.
ނަސީމް އަޙްމަދު އަދި މެދުއިރުމަތީގެ ތަޙުލީލުވެރިއެއް ކަމުގައިވާ މުއިން ރައްބާނީ މި މައްސަލަތަކާ ގުޅޭގޮތުން އެމީހުންގެ ތަޙުލީލުތައް ހިއްސާކުރިއެވެ. އަދި ޕްރޮގްރާމު ނިމުނީ އެމެރިކާގެ ރައީސް ޖޯ ބައިޑެންގެ ލެގަސީއާއި، އެމެރިކާގެ ބޭރު ސިޔާސަތާ ބެހޭގޮތުން ކުރެވުނު މަޝްވަރާއަކުންނެވެ.
މި މަޝްވަރާގައި ޑޮނަލްޑް ޓްރަމްޕް ހިއްސާކުރި ޕްރޮފެސަރ ޖެފްރީ ސެކްސްގެ ބަސްތަކާއި، ކުރީގެ ބައިޑެން އޮފިޝަލެއް އެމެރިކާއިން ޣައްޒާގައި އިޒްރޭލުން ހިންގާ އަނިޔާވެރި ޢަމަލުތައް ހުއްޓުވުމަށް އެކަށީގެންވާ މަސައްކަތްތަކެއް ނުކުރާކަމަށް ބުނެ ކީ ފާޑުކިޔުންތަކާ ބެހޭގޮތުން ވާހަކަދެކެވުނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!