ލުބުނާންގެ އެކި ސަރަޙައްދުތަކުގައި ހިނގި ޕޭޖަރު ގޮވުންތަކާމެދު އދ. އިން ކަންބޮޑުވުން ފާޅުކޮށްފިއެވެ.

މި ގޮވުންތަކުގައި މަދުވެގެން 8 މީހުން މަރުވެ، 2,750 މީހުން ޒަޚަމްވެފައިވާ ކަމަށް ވަނީ ރިޕޯޓުކުރެވިފައެވެ.

Ad
rt

އދ. ގެ ތަރުޖަމާނު ސްޓެފާން ޑުޖާރިކް ވިދާޅުވީ މި ހާދިސާތަކަކީ "ވަރަށް ކަންބޮޑުވާންޖެހޭ" ކަމެއް ކަމަށެވެ. ޑުޖާރިކް ވިދާޅުވީ އދ. އަށް މި ހާދިސާއާ ގުޅޭ އިތުރު މަޢުލޫމާތެއް ލިބިފައި ނެތް ކަމަށާއި، ނަމަވެސް އާންމުންނަށް ލިބުނު ގެއްލުން ކުށްވެރިކުރާ ކަމަށެވެ.

ލުބުނާންގެ ސަރުކާރުން މި ގޮވުންތައް ސިފަކޮށްފައިވަނީ "އިސްރާއީލުގެ އަނިޔާވެރި ޢަމަލު" ގެ ގޮތުގައެވެ. އަދި ލުބުނާންގެ ހިޒްބުﷲ ޖަމާޢަތުން ބުނެފައިވަނީ މި ގޮވުންތަކުގައި އެ ޖަމާޢަތުގެ 2 މެންބަރުން މަރުވެ، ގިނަ ބަޔަކު ޒަޚަމްވެފައިވާ ކަމަށެވެ.

މި ޕޭޖަރުތަކަކީ އެ އުފެއްދުމުގައި އިސްރާއީލުން ގޮވާތަކެތި ހަރުކޮށްފައިވާ ޕޭޖަރުތަކެއްކަމަށް ބައެއް ނޫސްތަކުން ވަނީ ތުހުމަތުކޮށްފައެވެ.

މި ހާދިސާ ހިނގާފައިވަނީ ހިޒްބުﷲއާއި އިސްރާއީލާ ދެމެދު ސަރަޙައްދީ ހަމަލާތައް ބަދަލުކުރަމުންދާ ދަނޑިވަޅެއްގައެވެ. އިސްރާއީލުން ދެމުންދާ ހަމަލާތަކުގައި މިހާތަނަށް 41,200 އަށް ވުރެ ގިނަ މީހުން، ފަލަސްތީނުން މަރުވެފައިވާއިރު، އޭގެ ތެރެއިން ގިނައީ އަންހެނުންނާއި ކުޑަކުދިން، ކަމަށް ވަނީ ރިޕޯޓުކުރެވިފައެވެ.

މީޑިއާތަކުން ރިޕޯޓްކޮށްފައިވާ ގޮތުގައި ލުބުނާންގައި ހިންގި ޕޭޖަރު ގޮވުންތަކަކީ އިސްރާއީލްގެ ސައިބަރ ހަމަލާއެކެވެ. ނަމަވެސް އެ ވާހަކަތަކަށް އަދި ރަސްމީކޮށް އިސްރާއީލުން އެއްޗެއް ބުނެފައެއް ނުވެއެވެ. ގޮވާފައިވާ ގިނަ ޕޭޖަރު ތަކަކީ ލުބުނާންގެ ޢާއްމު ރައްޔިތުން އެކި އެކި މުވާޞަލާތީ ބޭނުންތަކަށް ގެންގުޅޭ ޕޭޖަރުތަކެއް ކަމުން އެފަދަ އާލާތްތައް ނައްތާލުމަށް އެގައުމުގެ ސަރުކާރުން މިހާރުވަނީ އިލްތިމާސްކޮށްފައެވެ.