ކުރިއަރަމުން އަންނަ އާޓިފިޝަލް އިންޓެލިޖެންސް (އޭއައި) މާކެޓު ކެޕިޓަލައިޒް ކުރުމުގެ ސްޓްރެޓެޖިކް ފިޔަވަޅެއްގެ ގޮތުން މޯބައިލް ފޯނު އުފެއްދުމުގައި އެންމެ ދުވަސްވީ އެއްކުންފުނި ނޮކިއާ އިން ވަނީ 2.3 ބިލިއަން ޑޮލަރަށް މަޝްހޫރު އޮޕްޓިކަލް ނެޓްވޯކިން ސޮލިއުޝަންސް ޕްރޮވައިޑަރެއް ކަމަށްވާ އިންފިނިރާ ހޯދުމަށް އިއުލާނުކޮށްފައެވެ.
ހާއްސަކޮށް އޭއައި އެޕްލިކޭޝަންތަކުގެ ސަބަބުން ހައި ކެޕޭސިޓީ ނެޓްވޯކްތަކަށް އޮތް ޑިމާންޑް އިތުރުވަމުންދާ ދަނޑިވަޅެއްގައި ޓެލެކޮމިއުނިކޭޝަން އިންފްރާސްޓްރަކްޗާ ގެ ދާއިރާއިން ނޮކިއާގެ މަގާމު އިތުރަށް ހަރުދަނާ ކުރުމުގެ އުންމީދު މި މުހިންމު އިންވެސްޓްމެންޓުން ހާމަވެގެން ދެއެވެ.
ނޮކިއާއިން ބުނީ މި އިކުއިޒިޝަންގެ މަގްސަދަކީ ނޮކިއާގެ އޮޕްޓިކަލް ނެޓްވޯކިން ގާބިލްކަން އިތުރުކޮށް، އޭއައި އާއި މެޝިން ލާނިން ޓެކްނޮލޮޖީގެ ޑޭޓާ އިންޓެންސިވް ރިކުއާމަންޓްތަކަށް އެހީތެރިކަން ފޯރުކޮށްދިނުން ކަމުގައެވެ.
މިފިޔަވަޅުގެ ސަބަބުން އެރިކްސަން އާއި ވާވޭ ފަދަ ޓެލެކޮމް އިކުއިޕްމަންޓް މާކެޓުގައި ނޯކިއާގެ ވާދަވެރިކަން އިތުރުވެގެންދާނެ ކަމަށް ބެލެވެ އެވެ.
ނޮކިއާއިން ބުނިގޮތުގައި ކޮންކޮންޓެންޓް އޮޕްޓިކަލް ޓްރާންސްމިޝަން އަދި ޑިޖިޓަލް ސިގްނަލް ޕްރޮސެސިންގައި އިންފިނިރާގެ ތަޖުރިބާ ނޮކިއާގެ މިހާރުގެ ޕޯޓްފޯލިއޯއާ ވަރަށް ރަނގަޅަށް އެއްގޮތްވެ، ނެކްސްޓް ޖެނެރޭޝަން ނެޓްވޯކްތަކަށް އިނޮވޭޓިވް ސޮލިއުޝަންތައް ލިބުމުގެ ފުރުސަތު އެބައޮތެވެ.
ނޮކިއާގެ ސީއީއޯ ވިދާޅުވި ގޮތުގައި މި އެކުއިޒިޝަން ރަމްޒުކޮށްދެނީ އޭއައި ޑްރިވެން ނެޓްވޯކިންގެ ޒަމާނުގައި ލީޑް ކުރުމުގެ ސްޓްރެޓެޖީއަށް އެޅުނު ވަރަށް ބޮޑު ފިޔަވަޅެކެވެ. އޭއައި އެޕްލިކޭޝަންތަކުގެ ބެންޑްވިތް ޑިމާންޑްތައް އިތުރުވުމުގައި އިންފިނިރާގެ ޒަމާނީ އޮޕްޓިކަލް ޓެކްނޮލޮޖީތައް ވަރަށް ބޮޑު އެހީތެރިކަމެއް ލިބިގެންދާނެކަމަށް އޭނާ ވިދާޅުވިއެވެ.
މި އެއްބަސްވުމަކީ ރެގިއުލޭޓަރީ އެޕްރޫވަލްތަކާ އެކު ހަދާފައިވާ އެއްބަސްވުމެއް ކަމަށްވާއިރު، 2025 ވަނަ އަހަރުގެ ފުރަތަމަ ކުއާޓަރުގައި އެ އެއްބަސްވުން ނިމޭނެ ކަމަށް ބެލެވެއެވެ. އިންޑަސްޓްރީގެ ތަޖުރިބާކާރުން ދެކޭ ގޮތުގައި މިއީ ޓެލެކޮމިއުނިކޭޝަން ދާއިރާގައި ޓެކްނޮލޮޖީގެ އިނޮވޭޝަންގެ އެންމެ ކުރީ ސަފުގައި ދެމިތިބުމަށް ނޯކިއާ އިން ކުރާ މަސައްކަތުގެ ސާފު އިޝާރާތެކެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!