އުރީދޫ ނޭޝަން ގޭމާސް ލޭންޑުން ކުރިއަށް ގެންދިއުމަށް ހަމަޖެހިފައިވާ އެޕެކްސް ލެޖެންޑްސް ސީރީޒް އެކްސްގައި ބައިވެރިވުމުގެ ފުރުސަތު ހުޅުވާލައިފިއެވެ.
އުރީދޫން ބުނީ އެޕެކްސް ލެޖެންޑްސް ސީރީޒް އެކްސްގައި ބައިވެރިވުމުގެ ފުރުސަތު ހުޅުވާލައިފައިވަނީ އަންނަ ބުދަ ދުވަހުގެ ނިޔަލަށް ކަމަށެވެ. މުބާރާތް ފެށުމަށް ހަމަޖެހިފައިވަނީ ބުރާސްފަތި ދުވަހުގެ ރޭ 8:00 ގައެވެ.
އޮންލައިންކޮށް ކުރިއަށްގެންދާ މި މުބާރާތް އުރީދޫ ނޭޝަންގެ ޔޫޓިއުބް ޗެނަލުން ލައިވްކުރާނެއެވެ.
މި މުބާރާތުގެ ޕްރައިޒް ޕޫލަކީ 10،000 ރުފިޔާއެވެ. އެއްވަނަ ހޯދާ ޓީމަށް 4،000 ރުފިޔާ ލިބިގެންދާނެއެވެ.
މިއަހަރު "އަލްޓިމޭޓް ޕްލޭޔާ" ޓްރޮފީއަށް ވާދަކުރުމުގެ ފުރުސަތު ހުރިހާ ބައިވެރިންނަށްވެސް ހުޅުވާލެވޭނެ ކަމަށް އުރީދޫން ބުންޏެވެ. "އަލްޓިމޭޓް ޕްލޭޔާ" އަކީ ގޭމަރުންގެ ތެރެއިން ހޮވާލެވޭ މޮޅު ފަންނާނެއް ކަމަށާއި އެ ފަރާތަކީ އެހެން ކުޅުންތެރިންނަށް ނަމޫނާ ފަރާތަކަށް ވެގެންދާނެ ކަމަށެވެ. މިއީ ރާއްޖޭގައި މިފަދަ ފަންނާނެއް ހޮވޭ ފުރަތަމަ ފަހަރު ކަމަށް އުރީދޫން ބުންޏެވެ.
"ބެޓަލް ރޯޔާލް" ގޭމުތަކުގެ ތެރެއިން އެޕެކްސް ލެޖެންޑްސް އަކީ ދުނިޔޭގައި އެންމެ މަގުބޫލު އެއް ގޭމެވެ. އަދި ރާއްޖޭގައި ވެސް އެންމެ މަގުބޫލުކަމާއެކު ކުޅޭ އެއް ގޭމު ކަމަށް އުރީދޫން ބުންޏެވެ.
ގޭމަރުންގެ މެދުގައި އެންމެ މަގުބޫލު ނެޓްވޯކު، އުރީދޫ މޯލްޑިވްސް އިން މިއަހަރަށް ރާވާފައިވަނީ ހާއްސަ ޝައުގުވެރި މުބާރާތްތަކެކެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!