އުރީދޫ މޯލްޑިވްސްގެ ޗެއާޕާސަން ފާތިމާ އަލް ކުވާރީގެ ދައުވަތަކަށް ދައުލަތުގެ 3 އަންހެން ވަޒީރުން ގަތަރަށް ވަޑައިގެންފިއެވެ.
މި ދަތުރުފުޅުގައި ގަތަރަށް ވަޑައިގަތީ މިނިސްޓަ އޮފް އެންވަޔަރަންމަންޓް ކްލައިމެޓް ޗޭންޖް އެންޑް ޓެކްނޮލޮޖީ، އާމިނަތު ޝައުނާއާއި، އެޑިއުކޭޝަން މިނިސްޓަރު ޑރ ޢާއިޝަތު ޢަލީއާއި، މިނިސްޓަ އޮފް އާޓްސް ކަލްޗަރ އެންޑް ހެރިޓޭޖް، ޔުމްނާ މައުމޫންއެވެ. މިއީ ދެ ދުވަހުގެ ދަތުރުފުޅެކެވެ.
މިއީ ގަތަރާއި ރާއްޖެއާއި އެކު އޮންނަ ގުޅުން އިތުރަށް ބަދަހި ކުރުމުގެ ގޮތުން އުރީދޫގެ ފަރާތުން އިންތިޒާމް ކުރި، ރާއްޖޭގެ މިނިސްޓަރުންގެ ދަތުރުފުޅެކެވެ.
It was our pleasure to welcome a ministerial delegation from Maldives to Ooredoo group Headquarters in Doha, Qatar & facilitate meetings with key Qatari institutions to support national efforts to enrich the lives of communities across industries through digital transformation. pic.twitter.com/ExDhYr0I6v
— Ooredoo Maldives (@OoredooMaldives) August 15, 2022
އެކި ސިނާއަތްތަކުގައި ހަރަކާތްތެރިވާ ފަރާތްތަކުގެ ދިރިއުޅުމުގެ ފެންވަރު، ޑިޖިޓަލް ޓްރާންސްފޯމޭޝަންގެ އެހީގައި މުއްސަނދިކުރުމަށް ގައުމީ ފެންވަރުގައި ކުރަމުންދާ މަސައްކަތްތަކަށް އެއްބާރުލުން ދިނުމުގެ ގޮތުން ގަތަރުގެ މުހިންމު މުއައްސަސާތަކާއެކު ބައްދަލުކުރެއްވުންތަކެއް މި ދަތުރުފުޅު މިނިސްޓަރުން ބޭއްވެވިއެވެ.
މިދަތުރުފުޅުގައި، ޤަތަރުގެ ޤައުމީ ކުތުބުހާނާގެ މަސައްކަތްތަކާއި އިންތިޒާމްތައް މިނިސްޓަރުން ބައްލަވާލެއްވިއެވެ. އަދި
ގަތަރު ފައުންޑޭޝަންގެ ކަންކަންވެސް ބައްލަވާލެއްވިއެވެ.
އެ ޤައުމުގެ ތިމާވެއްޓާއި ބެހޭ ވަޒީރާއި ޓެކްނޯލޮޖީގެ ވަޒީރާއި، މިނިސްޓަރު ޝައުނާ ބައްދަލުކުރައްވަައި މިދާއިރާތަކުން ގުޅިގެން މަސައްކަތް ކުރެވޭނެގޮތްތަކާއި ބެހޭގޮތުންވަނީ މަޝްވަރާ ކުރެއްވާފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!