ދިރާސީ އާ އަހަރުގެ ކިޔެވުމަށް ބޭނުންވާ ފޮތްތައް ރަށްރަށަށް ފޯރުކޮށްދިނުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން އެހީތެރިކަން ފޯރުކޮށްދީފިއެވެ.

އެ ކުންފުނިން ކުރި ޓްވީޓެއްގައި ބުނީ އެ އެހީތެރިކަން ފޯރުކޮށްދެނީ އެޑިއުކޭޝަން މިނިނިސްޓްރީގެ އެދުމުގެ މަތިން ކަމަށެވެ.

Ad
rt

މި ޓްވީޓާއެކު އެމްޓީސީސީން ހިއްސާ ކޮށްފައިވާ ފޮޓޯތަކުގައި ފެންނަނީ އެ ކުންފުނީގެ މުވައްޒަފުން ފޮތްތައް ފޮށިގަނޑުތަކުގައި ރަނގަޅަށް ބަނދުކޮށް އެ ގެންދިއުމަށް ތައްޔާރު ކުރާ މަންޒަރެވެ.

އެމްޓީސީސީން މި އެހީތެރިކަން ފޯރުކޮށްދެނީ އެ ކުންފުނީގެ އިޖުތިމާއީ ޒިންމާގެ ދަށުންނެވެ.

ރާއްޖޭގައި އިޖުތިމާއީ ޒިންމާގެ ދަށުން އެންމެ ގިނަ ޕްރޮޖެކްޓުތައް ހިންގާ އެއް ކުންފުންޏަކީ އެމްޓީސީސީއެވެ.