ކުމުންދޫ ނެރު ބަދަލު ކުރުމުގެ މަސައްކަތް ފަށައިފި

ހދ. ކުމުންދޫ ނެރު ބަދަލު ކުރުމުގެ އަމަލީ މަސައްކަތް ފަށައިފި އެވެ.

މިއަދު ކުމުންދޫގައި ބޭއްވި ރަސްމިއްޔާތެއްގައި އެ މަޝްރޫއުގެ މަސައްކަތް ފައްޓަވައިދެއްވީ އެމްޓީސީސީގެ ސީއީއޯ އާދަމް އާޒިމް އާއި މަކުނުދޫ ދާއިރާގެ މެމްބަރު މުހައްމަދު ރާއީއެވެ. އެ ރަސްމިއްޔާތުގައި ކުމުންދޫ ކައުންސިލް މެމްބަރުންނާއި އެމްޓީސީސީގެ އިސް ބޭފުޅުން ބައިވެރިވެވަޑައިގެންނެވިއެވެ.

މި މަޝްރޫއުގެ ދަށުން އާ ހާބަ ބޭސިން ފުން ކުރުމާއި ނެރު ފުންކުރުމާއި ބޭރިތޮށި ލުމާއި ރިވެޓްމަންޓް ޖެހުމުގެ މަސައްކަތް ކުރާނެއެވެ.

ހދ. ކުމުންދޫ ނެރު ބަދަލުކުރުމުގެ ޢަމަލީ މަސައްކަތް ފެށުމުގެ ރަސްމިއްޔާތު ބާއްވައިފި

ޕްރެސް ރިލީޒް: https://t.co/nQ2PE0jtxo pic.twitter.com/d3Tqsdqiqs

— MTCC Plc (@MTCCPlc) April 1, 2022

މިއީ 35.38 މިލިއަން ރުފިޔާގެ މަޝްރޫއެކެވެ.

ވޭތުވެެދިޔަ ތިން އަހަރު ތެރޭ އެމްޓީސީސީން ވަނީ ބަނދަރު ހެދުމާއި ބިން ހިއްކުމާއި ގޮނޑުދޮށް ހިމާޔަތް ކުރުމުގެ ގިނަ މަޝްރޫއުތަކެއް ނިންމާފައެވެ.