ނ. ވެލިދޫ ދޯނި އެހެލާ ސަރަހައްދު ހެދުމުގެ އަމަލީ މަސައްކަތް ފަށަން ޕްރޮޖެކްޓް ސައިޓް މޮބިލައިޒް ކޮށްފިއެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނިގޮތުގައި މި މަސައްކަތް ފަށަން ސައިޓު މޮބިލައިޒް ކުރީ އިއްޔެއެވެ.
މި މަޝްރޫއުގެ ދަށުން ބިން ހިއްކުމާއި، ރިވެޓްމަންޓް ޖެހުމާއި ބޭރުތޮށިލުމުގެ މަސައްކަތް ކުރާނެއެވެ. މި މަޝްރޫއުގެ މަސައްކަތް ނިންމުމަށް ހަމަޖެހިފައިވަނީ 280 ދުވަހުގެ ތެރޭގައެވެ.
މިއީ 18.25 މިލިޔަން ރުފިޔާގެ މަޝްރޫއެކެވެ.
މިވަގުތު ރާއްޖޭގެ އެކި ކަންކޮޅުތަކުގައި އެމްޓީސީސީން އަންނަނީ 64 މަޝްރޫއެއްގެ މަސައްކަތް ކުރަމުންނެވެ.
We have mobilized N. Velidhoo Boat Beaching Area project site on 29th Dec 2021. The value of the project is MVR 18.25 million.#MTCCProjects #RayyithungeKunfuni pic.twitter.com/Q0PZmXeK3j
— MTCC Plc (@MTCCPlc) December 30, 2021
މިއަހަރުގެ މިހާތަނަށް 22 މަޝްރޫއެއްގެ މަސައްކަތް ނިންމާފައިވާއިރު ކުންފުނި އުފެދުނީއްސުރެ އެމްޓީސީސީން އަންނަނީ ރާއްޖޭގެ އުމްރާނީ ތަރައްގީ އާއި އިޖުތިމާއީ ވަސީލަތްތައް ބިނާކުރުމުގައި މުހިއްމު ދައުރެއް އަދާކުރަމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!