ފުލުހުންގެ ފްލެޓުތައް ނިންމަން އަމީނަށް ހަވާލު ކޮށްފި

ހުޅުމާލޭގައި އިމާރާތް ކުރާ ފުލުހުންގެ ފްލެޓުތައް ނިންމަން ޕްލޭނިން މިނިސްޓްރީން ބަޔަކާ ހަވާލު ކޮށްފިއެވެ.

އެ މިނިސްޓްރީން މި މަސައްކަތް ހަވާލު ކުރީ އަމީން ކޮންސްޓަރަކްޝަނާއެވެ. އެ ކުންފުންޏާ ހަވާލު ކުރީ ފްލެޓުތަކުގެ ނުނިމި ހުރި މަސައްކަތް ކުރުމަށެވެ.

މި މަޝްރޫއު އަމީން ކޮންސްޓްރަކްޝަނާ ހަވާލު ކުރީ 274.55 މިލިއަން ރުފިޔާއަށެވެ. މި މަސައްކަތް 240 ދުވަހުގެ ތެރޭގައި ނިންމަން ޖެހޭނެއެވެ.

ފުލުހުންގެ ޕޮލްކޯ ފްލެޓުތަކަކީ މޯލްޑިވްސް ޕޮލިސް ސާވިސަސްގެ މުވައްޒަފުންނަށް އަމާޒުކޮށް އިމާރާތް ކުރާ ފްލެޓުތަކެކެވެ.

މޯލްޑިވްސް ޕޮލިސް ސަރވިސަސްގެ މުއައްޒަފުންނަށް އަމާޒުކޮށް ހުޅުމާލެ ފޭސް 1 ގައި ޢިމާރާތް ކުރަން ފަށާފައިވާ ޕޮލްކޯ ފްލެޓްތަކުގެ ނުނިމިހުރި މަސައްކަތްތައް ނިންމުމަށް އަމީން ކޮންސްޓްރަކްޝަން ޕްރައިވެޓް ލިމިޓެޑާ ހަވާލުކޮށްފި. pic.twitter.com/ANTKkMS7Z2

— Min.of National Planning, Housing & Infrastructure (@MoNPHImv) December 30, 2021

މި ފްލެޓުތަކުގެ މަސައްކަތް ލަސްވުމުން ގިނަ ބައެއްގެ ފާޑު ކިޔުން ވަނީ އަމާޒުވެފައެވެ.