މަނަދޫގައި ޓޫރިސްޓް ހޮޓަލެއް ތަރައްގީ ކުރަނީ

ނ. މަނަދޫގައި ޓޫރިސްޓް ހޮޓަލެއް ތަރައްގީކުރަން ބަޔަކާ ހަވާލުކޮށްފިއެވެ.

މި މަސައްކަތް ޓޫރިޒަމް މިނިސްޓްރީން ހަވާލުކުރީ ސްޓޯން ހޮޓެލްސް މޯލްޑިވްސް ޕްރައިވެޓް ލިމިޓެޑާއެވެ.

މި އެއްބަސްވުމުގައި ޓޫރިޒަމް މިނިސްޓްރީގެ ފަރާތުން ސޮއިކުރެއްވީ ޕާމަނަންޓް ސެކްރެޓަރީ ފާތިމަތު ނިލްފާއެވެ. އަދި ސްޓޯން ހޮޓެލްސްގެ ފަރާތުން ސޮއިކުރެއްވީ އެ ކުންފުނީގެ ޑިރެކްޓަރު އައްބާސް މުހައްމަދެވެ.

މި އެއްބަސްވުމުގައި ސޮއި ކުރުމަށް ޓޫރިޒަމް މިނިސްޓްރީގައި ބޭއްވި ރަސްމިއްޔާތުގައި ޓޫރިޒަމް މިނިސްޓަރު އަބްދުالله މައުސޫމާއި ރައްޔިތުންގެ މަޖިލީހުގެ މަނަދޫ ދާއިރާގެ މެންބަރު އަހުމަދު ހާރޫން ބައިވެރިވެ ވަޑައިގެންނެވިއެވެ.

މަނަދޫގައި ފަތުރުވެރިކަން ތަރައްގީކުރުމަށް ކަނޑައަޅާފައިވާ 132,000 އަކަފޫޓުގެ ބިމުގައި ޓޫރިސްޓް ހޮޓަލެއް ތަރައްގީކުރަން ދެފަހަރަކު ހުޅުވާލިއެވެ. އެކަމަށް އެންމެ ފުރަތަމަ ހުޅުވާލީ މިއަހަރުގެ ފެބްރުއަރީ މަހުގެ ތެރޭގައެވެ. ނަމަވެސް އެކަމަށް ތަރުހީބު ނުލިބުމުން މާޗު މަހުގެ ތެރޭގައި އަލުން ހުޅުވާލިއެވެ.

On 29 Dec @MoTmv signed a lease agreement with Stone Hotels Pvt Ltd for development of a tourist hotel at a land plot in N. Manadhoo.Minister @Mausoom_Maus & MP from the constituency Hon.Ahmed Haroon attended the signing ceremony. Hotel is expected to be in operation by mid 2024 pic.twitter.com/T9Gzrp8a9F

— Ministry of Tourism (@MoTmv) December 30, 2021

މި ޓޫރިސްޓް ހޮޓާ ހަދަން ހަވާލު ކުރީ މަދުވެގެން 50 ކޮޓަރި ހިމެނެ ގޮތަށެވެ. މި ހޮޓަލުގެ މަސައަކަތް 2024 ވަނަ އަހަރުގެ ޖުލައިގެ ކުރިން ނިންމައި، ހުޅުވޭނެ ކަމަށް ވަނީ ލަފާ ކޮށްފައެވެ.