ގޯލްޑް 100 އެވޯޑު އުރީދޫ އަށް

ރާއްޖޭގެ އެންމެ ކުރިއަރާފައިވާ ކުންފުނިތަކަށް ދޭ ގޯލްޑް 100 އެވޯޑު، އުރީދޫ މޯލްޑިވްސް އިން ހާސިލް ކޮށްފިއެވެ.

ރޭ ކްރޮސްރޯޑްސްގައި ބޭއްވި ރަސްމިއްޔާތުގައި އެވޯޑާ ހަވާލުވެވަޑައިގަތީ އުރީދޫގެ ސީއީއޯ އަދި މެނޭޖިން ޑިރެކްޓަރު ނަޖީބު ޚާންއެވެ.

ގޯލްޑް 100 އެވޯޑަކީ ރާއްޖޭގެ އެންމެ ކުރިއަރާފައިވާ 100 ކުންފުނި ފާހަގަކޮށް، ދޭ އެވޯޑެކެވެ.

މި އެވޯޑު ހަފްލާގައި ރާއްޖޭގެ އެންމެ ފާހަގަކޮށްލެވޭ ކުރިއެރުންތައް ހޯދާފައިވާ ކުންފުނިތަކަށް އެވޯޑު ދެނީ އެކަމަށް އެކުލަވާލާ ހާއްސަ ބޯޑަކުން ބަލައި ޕޮއިންޓްދީގެންނެވެ.

Extremely honored to be recognised among the Gold 100 Leading Companies of the Maldives once again. We extend our warmest gratitude to our customers and partners for their continued support. pic.twitter.com/EN0z52aNok

— Ooredoo Maldives (@OoredooMaldives) November 17, 2021

އެވޯޑު ދިނުމުގައި، ރާއްޖޭގެ ގާނޫނާ އެއްގޮތްވާ ގޮތުގެ މަތިން ވިޔަފާރި ހަރަކާތްތައް ހިންގާ ފުޅާމިނާއި، އެ ކުންފުންޏަކާ ގުޅޭ ދާއިރާއަކުން ކާމިޔާބު އީޖަދުތައް ތައާރަފްކުރާ މިންވަރާއި، އިޖްތިމާއީ ޒިންމާގެ ރޮނގުން އުފެއްދުންތެރި މަސައްކަތްތައް ކޮށްފައިވާ މިންވަރަށް ބަލައެވެ.