އައްޑޫ ހުޅުމީދޫ ބަހާއުއްދީން މަގު ހަދައި ނިމިއްޖެ

ސ. ހުޅުމީދޫ ބަހާއުއްދީން މަގު ހެދައި ނިމިއްޖެ ކަމަށް މޯލްޑިވެސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.

މި މަޝްރޫއުގެ މަސައްކަތް އެމްޓީސީސީއާ ހަވާލުކުރީ އޭޕްރީލް 2019 ގައެވެ. މަޝްރޫއުގެ މަސައްކަތް ނިމުނީ މި މަހުގެ 15ގައެވެ.

މި މަޝްރޫއުގެ ދަށުން 2.2 ކިލޯމީޓަރުގެ ދިގު 8.8 މީޓަރު ފުޅާ މިމަގުގައި ތާރުއެޅުމުގެ މަސައްކަތް ކޮށްފައި ވާއިރު، 6060 އަކަމީޓަރުގެ ހިނގާ ސަރަޙައްދެއް ގާއިމުކުރުމާއި، ފެންހިންދާ ނިޒާމެއް ގާއިމުކުރުމާއި، ކޭބަލް ޖަންކްޝަން ވަޅުލުމުގެ މަސައްކަތް ކޮށްފައިވެއެވެ. އަދި، މަގުބައްތި ހަރުކުރުމާއި، މަގުމަތީ ނިޝާން ހަރުކުރުމާއި، ސްޕީޑް ބްރޭކަރު ހަރުކުރުމާއި، ކަފިހިހުރަސް ފާހަގަ ކުރުމުގެ މަސައްކަތް ހިމެނެއެވެ.

މިއީ 41.8 މިލިއަން ރުފިޔާގެ މަޝްރޫއެކެވެ.

We have completed S. Hulhumeedhoo Bahaudheen Road Construction Project on 15th October 2021.The project is valued at MVR. 41.8 million.#MTCCProjects #RayyithungeKunfuni pic.twitter.com/4bUQYj0LDl

— MTCC Plc (@MTCCPlc) October 26, 2021

އެމްޓީސީސީން ވަނީ މި އަހަރުގެ މިހާތަނަށް 17 މަޝްރޫއެއްގެ މަސައްކަތް ނިންމާފައެވެ.