ކ. ދިއްފުއްޓާއި އއ. އުކުޅަހަށް އާ ޖަނަރޭޓަރު ސެޓުތައް ގެންގޮސްފިއެވެ.
މިއީ ސްޓެލްކޯއިން ހިދުމަތްދޭ ރަށްރަށުގައި މެނުކެނޑި ކަރަންޓު ފޯރުކޮށްދިނުމަށް އެ ކުންފުނިން ކުރިއަށްގެންދާ މަޝްރޫއުގެ ދަށުން ގެންދިޔަ ޖަނަރޭޓަރުސެޓުތަކެކެވެ.
އެ ކުންފުނިން މައުލޫމާތު ދޭ ގޮތުގައި ދެ ރަށަށްވެސް ގެންގޮސްފައިވަނީ 6000 ކިލޯވޮޓުގެ ޖަނަރޭޓަރު ސެޓެވެ. މި ސެޓުތައް މިހާރު އެ ދެ ރަށުގެ އިންޖީނުގެއަށްވެއްދުމުގެ މަސައްކަތް ކުރަމުން އަންނަ ކަމަށްވެސް އެ ކުންފުނިން ބުންޏެވެ.
އއ. އުކުޅަހަށް ފޮނުވާފައިވާ 600kW ގެ ޖަނަރޭޓަރު ސެޓް އެރަށަށް ބޭލުމުގެ މަސައްކަތް ކުރިޔަށްދަނީ. މި ޖަނަރޭޓަރު ކޮމިޝަން ކުރެވި ބޭނުން ކުރަން ފެށުމާއެކު، އުކުޅަހުގެ ކަރަންޓުގެ ކެޕޭސިޓީ އިތުރުވެ، އެކަމުގެ ފަސޭހަތައް އުކުޅަހު ރައްޔިތުންނަށް ލިބިގެންދާނެ. pic.twitter.com/qEIL2ovckj
— STELCO (@STELCOMALDIVES) February 6, 2021
ސްޓެލްކޯއިން ބުނީ މި ޖަނަރޭޓަރުތައް ކޮމިޝަން ކުރެވި ބޭނުން ކުރަން ފެށުމުން ދެ ރަށުގެ ކަރަންޓުގެ ކެޕޭސިޓީ އިތުރުވާނެ ކަމަށެވެ. އަދި މީގެ ސަބަބުން ޕަވާސެކިއުރިޓީ އިތުރު ވާނެ ކަމަށްވެސް އެ ކުންފުނިން ބުންޏެވެ.
ޑިމާންޑާއި އެއްވަރަށް ކޭޓާކޮށް، ޕަވަރ ކެޕޭސިޓީ އިތުރުކުރުމަށްޓަކައި، ކ. ދިއްފުއްޓަށް ފޮނުވާފައިވާ 600kW ޖަނަރޭޓަރު ސެޓް ދިއްފުށީ އިންޖީނުގެއަށް ވެއްދުމުގެ މަސައްކަތް ކުރިޔަށްދަނީ. މި ޖަނަރޭޓަރު ކޮމިޝަން ކުރެވި ބޭނުން ކުރަން ފެށުމާއެކު، ދިއްފުށީގެ ޕަވަރ ސެކިއުރިޓީ އިތުރުވެގެންދާނެ pic.twitter.com/CsTgz6QCj4
— STELCO (@STELCOMALDIVES) February 7, 2021
ރާއްޖޭގެ ހުރިހާ ރަށެއްގައި ކަރަންޓު މެދު ކެނޑުމެއްނެތި ލިބޭނެ ގޮތް ހެދުމަށް ސަރުކާރުން އަންނަނީ މަސައްކަތް ކުރަމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!