މާލޭ ހާބަރު ފުޑްކޯޓުތައް ހުއްޓުމަކަށް އައިސްފައިވާތީ އެ ތަންތަނުގެ ކުލި މި ދުވަސްވަރު މާފުކޮށްދިނުމަށް، އެ ތަންތަން ތަރައްގީކޮށް ބަލަހައްޓާ އެސްޓީއޯ އިން ނިންމައިފި އެވެ.
އެސްޓީއޯ އިން މިއަދު ނެރުނު ބަޔާނެއްގައި ބުނެފައި ވަނީ، ދުނިޔޭގައި މިހާރު ހަލުވިކަމާ އެކު ފެތުރެމުންދާ ކޮވިޑް-19 ގެ ސަބަބުން ކެފޭ އަދި ރެސްޓޯރަންޓް ފަދަ ތަންތަން ބަންދުކުރުމަށް ސަރުކާރުން ނިންމުމާ ގުޅިގެން އެސްޓީއޯ ފުޑްކޯޓްތަކުގެ ވިޔަފާރި މިވަގުތަށް ހުއްޓުމަކަށް އައިސްފައިވާ ކަމަށެވެ.
އެހެންކަމުން، އެ ތަންތަން ހިންގާ ފަރާތްތަކަށް މިދަނޑިވަޅުގައި ލިބޭނެ ގެއްލުން ކުޑަކުރުމަށް، އެ ފަރާތްތަކަށް އެއްބާރުލުން ދިނުމަށްޓަކައި ކުލި މާފުކުރަން ނިންމީ ކަމަށް އެސްޓީއޯ އިން ބުންޏެވެ.
Announcing lease assistance to STO Food Court vendors as they deal with closure to combat the threat of Covid-19. pic.twitter.com/ldpmP4ycoP
— STO (@stoplc) March 24, 2020
ކުލި މާފުކޮށްދީފައި ވަނީ ސަރުކާރުން ކެފޭ އަދި ރެސްޓޯރަންޓް ފަދަ ތަންތަން މިވަގުތަށް ބަންދުކުރުމަށް ނިންމާފައިވާ ނިންމުމާ މެދު ގޮތެއް ނިމެންދެނެވެ.
މި ހަފްތާގެ އާދިއްތަ ދުވަހުން ފެށިގެން ކެފޭ އަދި ރެސްޓޯރަންޓުތަކުގައި ޑައިން އިން ކުރުން ހުއްޓުވާފައި ވާއިރު، ޓޭކްއަވޭ އާއި ޑެލިވަރީގެ ހިދުމަތް ދިނުން އަދިވެސް ވަނީ ހުޅުވާލާފަ އެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!