އެންޑްރޮއިޑް ފޯނުތަކުގައި ސޭވްކުރާ ފޮޓޯތަކުން ޓެކްސްޓް ނެގޭނެ ގޮތަށް ވިންޑޯޒް ފޯން ލިންކް އެޕްލިކޭޝަނަށް މައިކްރޮސޮފްޓުން އާ ފީޗާއެއް ތައާރަފްކޮށްފިއެވެ. މި އެޕްލިކޭޝަންގެ އެންމެ ފަހުގެ އަޕްޑޭޓްގައި އޮޕްޓިކަލް ކެރެކްޓާ ރިކޮގްނިޝަން (އޯސީއާރު) ގެ ގާބިލްކަން ތައާރަފްކޮށް، ފޮޓޯތަކުން މައުލޫމާތު އެއްކުރުމަށް ފަސޭހަވެގެން ދެއެވެ.

މިދިޔަ އަހަރު ވިންޑޯޒްގެ ސްނިޕިން ޓޫލްއަށް އިތުރުކުރި ފީޗާއެއް ކަމަށްވާ ޓެކްސްޓް އެކްސްޓްރެކްޝަން ޓޫލް މިހާރު އެންޑްރޮއިޑް ޑިވައިސްއެއްގެ ގެލެރީއަކުން ފޮޓޯތައް ބަލާއިރު ފޯނު ލިންކް އެޕްގެ އިންޓަފޭސް މެދުވެރިކޮށް ލިބެން ހުންނާނެ އެވެ.

Ad
rt

އެޕްގެ ފޮޓޯސެކްޝަނުގައި ފޮޓޯއެއް ހުޅުވާލުމުން ސްކްރީންގެ އެންމެ މަތީގައި އާ "ޓެކްސްޓް" އައިކަން އެއް ފެންނާނެއެވެ. މި އައިކަން ޓެޕް ކުރުމުން އޯސީއާރު ޕްރޮސެސް ފަށައި، އޮޓޮމެޓިކުން ފޮޓޯގައި ހުރި ހުރިހާ ލިޔުމެއް ހައިލައިޓްކޮށް ސިލެކްޓް ކުރެވޭނެއެވެ. އެއަށްފަހު ނެގި ލިޔުންތައް ފަސޭހަކަމާއެކު ކޮޕީ ކޮށް ބޭނުންތާކަށް ޕޭސްޓް ކޮށްލެވޭނެއެވެ.

ޕްލެޓްފޯމްލިމިޓޭޝަންތަކުގެ ސަބަބުން ޓެކްސްޓް އެކްސްޓްރެކްޝަން ކެޕޭސިޓީ މިވަގުތު އެންޑްރޮއިޑް ޑިވައިސްތަކަށް ލިމިޓްކޮށްފައި ވީ ނަމަވެސް، މިއީ މޮބައިލް ފޮޓޯތަކުން ޕީސީއަށް ގިނަގިނައިން މައުލޫމާތު ޓްރާންސްފާ ކުރަން ޖެހޭ ވިންޑޯޒް ބޭނުންކުރާ ފަރާތްތަކަށް ވަރަށް ބޮޑު ޕްރޮޑަކްޓިވިޓީ ކުރިއެރުމެއް ރަމްޒުކޮށްދޭ ކަމެކެވެ.

މައިކްރޮސޮފްޓުން ފާހަގަކުރާ ގޮތުގައި އޯސީއާރު ފީޗާއަކީ އެންމެ ފަހުގެ ވިންޑޯޒް އިންސައިޑާ ޕްރިވިއު ބިލްޑް 22635.3646 ގެ ބައެއް ކަމަށްވާއިރު، އޭގެ މާނައަކީ އަދި ވެސް އާންމުކޮށް ހުރިހާ ޔޫޒަރުންނަށް ލިބެން ނެތް ފީޗާއެއް ކަމެވެ.

ޓެކްސްޓް އެކްސްޓްރެކްޝަންގެ އިތުރުން އަޕްޑޭޓް ކޮށްފައިވާ ފޯނު ލިންކް އެޕް (ވާޝަން 1.24051.91.0) އިން ވިންޑޯޒް ޕީސީ އާއި އެންޑްރޮއިޑް ޑިވައިސްތަކުގެ މެދުގައި ފައިލް ޝެއާކުރުން ވެސް ސްޓްރީމްލައިން ކޮށްދެއެވެ. މިހާރު މި އެޕްގެ "މައި ފޯން" ބަޓަނުގައިވާ ޝެއާ ފީޗާއިން ޕީސީއިން ފައިލްތައް މަދު ސްޓެޕްތަކާ އެކު އެންޑްރޮއިޑް ފޯނަކަށް ހިއްސާ ކުރެވޭނެއެވެ.

ވިންޑޯޒް 11 ގައި ކުރިން އިންސްޓޯލްކޮށްފައިވާ ފޯނު ލިންކް އެޕްލިކޭޝަނުން މެދުނުކެނޑި ކްރޮސް ޑިވައިސް އެކްސްޕީރިއަންސެއް ލިބިގެންދާއިރު، ފޯނު ގިނަގިނައިން ޗެކް ނުކޮށް ސީދާ ޕީސީއިން ކޯލްކުރުމާއި ބަލައިގަތުމާއި މެސެޖްތައް ބެލުމާއި އެހެނިހެން މަސައްކަތްތައް ކުރުމުގެ ފުރުސަތު ލިބިގެންދެއެވެ.

މައިކްރޮސޮފްޓުން ވިންޑޯޒް އާއި އެންޑްރޮއިޑް ޑިވައިސްތަކުގެ މެދުގައި އިންޓަގްރޭޝަން އިތުރުކުރަމުން އަންނައިރު، ފޮޓޯތަކުން ޓެކްސްޓް އެކްސްޓްރެކްޝަން ފަދަ ފީޗާތަކުން ފޯނު ލިންކް އެޕްލިކޭޝަނަކީ ގިނަ ޑިވައިސްތަކުގައި މަލްޓިޓާސްކިން އަށް ބޭނުންވާ އުފެއްދުންތެރިކަމުގެ ވަސީލަތެއްގެ ގޮތުގައި އޮތް އޮތުން އިތުރަށް ހަރުދަނާކޮށްދެއެވެ.