ރާއްޖެއަށް މިއަހަރު އަންނަ ބައިލައްކަ ވަނަ ފަތުރުވެރިޔާ މާދަމާ އަންނާނެ

ސަރުކާރުން މިއަހަރަށް ކަނޑައަޅާފައިވާ އަމާޒަކީ 1.8 މިލިއަން ފަތުރުވެރިން ރާއްޖެއަށް ގެނައުމެވެ. އެއީ ފައިބެއަހަރާ އަޅާބަލާއިރު، 89،420 ފަތުރުވެރިން އިތުރު އަަދަދެކެވެ.

ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކާ ގޮތުގައި ރާއްޖެ އަންނަ ފަތުރުވެރިން 7 ނުވަތަ 8 ދުވަހު ރާއްޖޭގައި ހޭދަކުރެއެވެ.

ރާއްޖެއަށް މިހާރު އެންމެ ގިނަ ފަތުރުވެރިން އަންނަނީ ރަޝިޔާއިންނެވެ. އެ ގައުމުން މިހައިތަނަށް 59،987 މީހުން ރާއްޖެ އައިސްފައިވާއިރު، ދެވަަނައަށް އެންމެ ގިނަމީހުން އައީ އިންޑިއާ އިން ނެވެ. އެއީ 52،276 މީހުންނެވެ.

މީގެ އިތުރުން އިނގިރޭސިވިލާތުން 44،839 ޓޫރިސްޓުން، އިޓަލީން 43،267 ޓޫރިސްޓުން އަދި ޖަރުމަނުން 33،756 ޓޫރިސްޓުން މިއަހަރުގެ މިހައިތަނަށް ވަނީ ރާއްޖެ އައިސްފައެވެ.