ޚާއްޞަ އެހީއަށް ބޭނުންވާ ފަރާތްތަކަށް ފަތަން ދަސްކޮށްދޭން ބީއެމްއެލް އިން ތައްޔާރުވަނީ

8B9DE3EF-D9D7-4725-A32D-115DCAF5B671

ހާއްސަ އެހީއަށް ބޭނުންވާ ފަރާތްތަކަށް ފަތަން ދަސްކޮށްދިނުމުގެ ގޮތުން ބޭންކް އޮފް މޯލްޑިވްސް (ބީއެމްއެލް) އިން ކުރިއަށް ގެންދިއުމަށް ހަމަޖެހިފައިވާ "ބީއެމްއެލް ފެތުން ތަރިން" ޕްރޮގުރާމަށް ތައްޔާރުވުމުގެ ގޮތުން ކުރަން ޖެހޭ ބައެއް މަސައްކަތްތައް ފަށައިފިއެވެ.

އެގޮތުން، ނުކުޅެދުންތެރިކަން ހުންނަ ފަރާތްތަކަށް، ފަތަން ދަސްކޮށްދިނުމަށް، މި ޕްރޮގުރާމުގައި ހަރަކާތްތެރިވާނޭ ކޯޗުންނަށް ޚާއްޞަ ސެޝަންތަކެއްވަނީ ކުރިއަށް ގެންގޮސްފައެވެ.

ބީއެމްއެލް އިން ބުނި ގޮތުގައި މި ސެޝަންތައް ކުރިއަށް ގެންގޮސްފައިވަނީ ބައިވެރިންނަށް ބޭނުންވާނޭ ކަންކަން، ފަސޭހައިން ދެނެގަންނާނެ ގޮތްތައް ކޯޗުންނަށް ބުނެދިނުމަށާއި، އެންމެ ރަނގަޅަށް ފެތުމުގެ ހުނަރުތައް ބައިވެރިންނަށް ބުނެދެވޭނެ ގޮތްތައް ދަސްކުރުމަށްކަމަށެވެ.

ސްވިމިންގ ކޯޗުންނަށް މި ސެޝަންތައް ކުރިއަށް ގެންގޮސްފައިވަނީ ސްވިމިންގ އެސޯސިއޭޝަނާއި، މޯލްޑިވްސް ޕެރަލިމްޕިކް ކޮމިޓީ އަދި ސްޕެޝަލް އޮލިމްޕިކްސް މޯލްޑިވްސްއާ ގުޅިގެންނެވެ.

ލިޔުން ވިދާޅުވުމަށްފަހު ހިއްސާ ކުރައްވާ

ހިޔާލު ދެއްވާ!

Your email address will not be published. Required fields are marked *