ވޭތުވެދިޔަ އަހަރު ހދ. އަތޮޅު މަދަރުސާާއިން ހުރިހާ ގޮތަކުން އެންމެ މޮޅު ދަރިވަރަކަށް ފާތުމަތު ޝައުރާ މުހައްމަދު ހޮވިއްޖެއެވެ.
ވައިކަރަދޫގައި ހުންނަ ހދ. އަތޮޅު މަދަރުސާގެ އެންމެ މޮޅު ދަރިވަރަކަށް ޝައުރާ ހޮވުނީ ރޭ އެ ސްކޫލުގައި އޮތް އިނާމު ދިނުމުގެ ޖަލްސާގައެވެ. މި ޖަލްސާގައި ޝައުރާއާ އިނާމު ހަވާލުކޮށްދެއްވީ ނޮޅިވަރަމް ސްކޫލުގެ ޕްރިންސިޕަލް އަދްނާން އަލީ އެވެ.
ޝައުރާ ވަނީ މިދިޔަ އަހަރުގެ ސާނަވީ އިމްތިހާނުގެ ތިން މާއްދަން އޭ ސްޓާ އާއި ހަތަރު އޭ އަދި އެއް ބީ ހޯދައި، ސާނަވީ އިމްތިހާނުގެ ގަދަ ދިހައެއްގެ ހަތް ވަނާގައި ހިމެނިފައެވެ.